ஜகன்னாத கேசவ பப்ளிகேஷன்ஸ், பெங்களூரு
2022-23 Updates
இவை அனைத்தும் ஸ்ரீஹரி வாயு குருகளின் அருளால் / ஆசியால் நடந்தவை.
நாஹம் கர்தா ஹரி: கர்தா.
2022ம் ஆண்டில் நடந்தவை:
* 2022 உத்தராயணத்தில் பல புத்தகங்கள் வெளியாயின. வெளியிட்ட புத்தகங்கள் மொத்தம் 46ஆக இருந்தபோது, தொடர்ந்து அனைத்து புத்தகங்களையும் பெற்று வந்த ஹரிபக்தர்களும்கூட, வெவ்வேறு காரணங்களால் புத்தகங்களை வாங்குவதை நிறுத்திவிட, நாமும் சிறிது இடைவெளி விடலாம் என்று புதிய புத்தகங்களை வெளியிடுவதை நிறுத்திவிட்டோம்.
* ஏற்கனவே அச்சிட்ட புத்தகங்களை வைப்பதற்கே இடம் இல்லாததாலும், புதிய புத்தகங்களுக்கு சிறிது இடைவெளி விடுவோம் என்ற முடிவு சரியாகவே இருந்தது.
* ஆனாலும், தினம்தோறும் மொழி பெயர்ப்பு / உரை எழுதும் வேலைகள் தொடர்ந்து நடந்து கொண்டே இருந்தன / இருக்கின்றன.
2023ம் ஆண்டில் திட்டமிட்டிருக்கும் வேலைகள்:
* நமது blogல் http://dasa-sahitya.blogspot.com தொடர்ந்து தினம் ஒரு பதிவு. தற்போது வந்துகொண்டிருக்கும் பிரஸன்ன விஷ்ணு ஸஹஸ்ரநாம பாஷ்யமே இன்னும் 6 மாதங்களுக்கு மேல் வரும்.
* நமது youtube channel - Jagannatha Kesava - இதில் கன்னட ஹரிதாஸ ஸாகித்யத்தின் தீர்க்க கிருதிகளின் உரைத்தொடர்களும் (தமிழில் அர்த்த விளக்கங்கள்) தொடர்ந்து வரும். அடுத்து வரவிருப்பவை: ஸ்ரீகனகதாஸரின் ராமதான்ய சரிதெ, ஸ்ரீகுரு ஜகன்னாத தாஸரின் வெங்கடேஸ ஸ்தவராஜ, லட்சுமி ஸ்தவராஜ ஆகியவை.
* மறுபடி இந்த 2023 உத்தராயணத்தில், புத்தகங்களை வெளியிடலாம் என்று சங்கல்பம் ஆகியிருக்கிறது. பல புத்தகங்கள் அச்சிடத் தயாராகவும் உள்ளன. கன்னட ஸ்ரீராகவேந்திர விஜயம் (அர்த்த விளக்கங்களுடன்), ஸ்ரீவ்யாஸ யோகி சரித்ரம், ஹரிகதாம்ருதஸார பல ஸ்ருதிகள் - என அந்த விவரங்களை அவ்வப்போது சொல்கிறேன்.
வேண்டுகோள்
* ஹரிதாஸ ஸாகித்யத்தின் சிறப்புகளை / மகிமைகளை விளக்கும் கிருதிகள் / காவியங்கள் / கட்டுரைகள் என அனைத்தையும் தமிழில் கொண்டு வரும் இந்த முயற்சியில், அனைவரும் பங்கு பெறவேண்டும் என்று கேட்டுக் கொள்கிறேன்.
* புத்தகங்களை அனைவரிடமும் சென்று சேர்ப்பதற்காக, இவற்றை இலவசமாக அல்லது மிகமிகக் குறைந்த விலையில் வெளியிடலாம். அதற்கு sponsors தேவைப்படுகிறது. ஆகவே, ஒரு வேண்டுகோள் / Appeal தகவலை அடுத்த வாரம் வெளியிடுகிறேன். இவ்வாறு sponsor செய்ய முடியாதவர்கள், இந்த புத்தகங்கள் வந்தபின், அவற்றை வாங்கிப் படித்து, பாதுகாத்து வந்தாலும் அதுவும் ஹரிதாஸ ஸாகித்யத்திற்கான ஸேவைதான் என்று நம்புகிறேன்.
* இந்த கிருதிகளை நம் குருகளிடம் பாடம் படிப்பது, கன்னட புத்தகங்களை வாங்குவது, மொழிபெயர்ப்பது அல்லது பல்வேறு புத்தகங்களைப் பார்த்து புதிதாக உரை எழுதுவது, பின் அதனை டைப் செய்து, ப்ரூப் பார்த்து, அச்சிற்கு அனுப்பும் வரை அனைத்தும் ஹரிவாயு குருகளின் அருளால் நானே செய்துவிடுகிறேன். இதனை மக்களிடையே கொண்டு சேர்ப்பதற்கு மட்டுமே, புத்தகங்களை அச்சிடுவதற்கு மட்டுமே பணம் தேவைப்படுகிறது.
* கடந்த 4 ஆண்டுகளாக, சம்பளம் / பென்ஷன் என எந்தவொரு நிரந்தர வருமானமும் இன்றி, (புத்தகங்கள் / மாதப் பத்திரிக்கை ஆகியவையும்கூட எவ்வித லாப நோக்குடன் நடத்தப்படுவதில்லை. அச்சிடும் செலவைவிட குறைவான விலையிலேயே இவை கொடுக்கப்படுகின்றன), இவை அனைத்தையும் ஹரிவாயு குருகளின் ஸேவை என்று எண்ணியே அடியேன் செய்து வருவதால், இத்தகைய புத்தகங்களுக்காக இவ்வாறு ஹரிபக்தர்களிடம் வேண்டுகோள் வைக்கப்படுகிறது. புத்தகப் பட்டியல், தேவைப்படும் தொகை என விவரங்களை அடுத்த தகவலில் சொல்கிறேன்.
* இதுவரை இந்த ஸேவைக்கு ஆதரவு அளித்துவந்த மற்றும் இனி ஆதரவு அளிக்கப்போகும் அனைவருக்கும் நன்றிகள்.
நன்றி ஹரே ஸ்ரீனிவாஸா.
சத்ய நாராயணன்
8904458276
